Report: Web Desk
കാര്ഷിക നിയമത്തിനെതിരെ സമരം ചെയ്ത കര്ഷകര്ക്ക് 50000 രൂപ അടയ്ക്കാനാവശ്യപ്പെട്ട് സംഭല് ജില്ലാ അധികൃതരുടെ നോട്ടീസ്. 50 ലക്ഷം രൂപയുടെ നോട്ടീസാണ് ആദ്യം നല്കിയത്. സംഭവം വിവാദമായതോടെ 50000മായി തിരുത്തി. ആറ് കര്ഷകര്ക്കാണ് നോട്ടീസ് നല്കിയത്. സമാധാനം തകര്ക്കാന് ശ്രമിച്ചെന്നാരോപിച്ചാണ് നോട്ടീസ് നല്കിയത്. ഭാരതീയ കിസാന് യൂണിയന്(അസ്ലി) ജില്ലാ പ്രസിഡന്റ് രാജ്പാല് സിംഗ് യാദവ്, മറ്റ് കര്ഷക നേതാക്കളായ ജയ്വീര് സിംഗ്, ബ്രഹ്മചന്ദ് യാദവ്, സതേന്ദ്ര യാദവ്, റൗദാസ്, വീര് സിംഗ് എന്നിവര്ക്കാര് നോട്ടീസ് നല്കിയത്. കേന്ദ്ര സര്ക്കാര് പാസാക്കിയ കാര്ഷിക നിയമത്തിനെതിരെ ഇവര് സമരം സംഘടിപ്പിച്ചിരുന്നു.