Report: News Desk
ലോകം ഉറ്റു നോക്കിയ അഭയ കേസില് ഫാ. തോമസ് എം. കോട്ടൂരും സിസ്റ്റര് സെഫിയും കുറ്റക്കാരെന്ന് സിബിഐ കോടതി. കൊലക്കുറ്റം തെളിഞ്ഞതായി കോടതി പറഞ്ഞു. പ്രതികളുടെ ശിക്ഷ നാളെ വിധിക്കും. പ്രതികള്ക്കെതിരെ ശക്തമായ സാഹചര്യ തെളിവുകളുണ്ടെന്ന് കോടതി വ്യക്തമാക്കി.
നീണ്ട ഇരുപത്തിയെട്ടു വര്ഷത്തിനുശേഷമാണ് സിസ്റ്റര് അഭയ കൊലപാതക കേസില് ഇന്ന് വിധി പറഞ്ഞത്. തിരുവനന്തപുരം സിബിഐ പ്രത്യേക കോടതിയാണ് വിധി പറഞ്ഞത്. ഒരു വര്ഷവും മൂന്നര മാസവും കൊണ്ട് വിചാരണ പൂര്ത്തിയാക്കിയാണ് കോടതി വിധി പറഞ്ഞത്.
സാക്ഷിമൊഴികള് വിശ്വസനീയമാണെന്നും കോടതി വിലയിരുത്തി. പ്രതികള്ക്കെതിരെ കൊലപാതകം, തെളിവ് നശിപ്പിക്കല് വകുപ്പുകളാണ് ചേര്ത്തിരിക്കുന്നത്. ഐപിസി 302, ഐപിസി 201 വകുപ്പുകള് നിലനില്ക്കുമെന്നും കോടതി പറഞ്ഞു.
സത്യം ജയിച്ചുവെന്ന് സിബിഐ മുന് ഉദ്യോഗസ്ഥനായ വര്ഗീസ് പി. തോമസ് മാധ്യമങ്ങളോട് പറഞ്ഞു. കുറ്റം തെളിഞ്ഞുവെന്ന് പറഞ്ഞത് സത്യം തെളിഞ്ഞുവെന്നതാണെന്നും അന്വേഷണം നീതിപൂര്വമാണെന്ന് തെളിഞ്ഞെന്നും അദ്ദേഹം പറഞ്ഞു.