Entertainment Desk
തമിഴ് നടന് സൂര്യയുടെ ചിത്രത്തിലെ ഡയലോഗ് പങ്കുവെച്ച് നെറ്റ്ഫ്ളിക്സ്. സൂര്യയുടെ ചിത്രം പങ്കുവെച്ചുകൊണ്ടാണ് നെറ്റ്ഫ്ളിക്സ് സംഭാഷണം പങ്കുവെച്ചിരിക്കുന്നത്.
വാരണം ആയിരത്തിലെ പ്രണയാഭ്യര്ത്ഥന നടത്തുന്ന സീനിലെ ഡയലോഗ് ആണ് നെറ്റ്ഫ്ളിക്സ് സൂര്യയോടായി പങ്കുവെച്ചിരിക്കുന്നത്.
‘ഹായ് സൂര്യ, ഞങ്ങള്ക്കിത് പറഞ്ഞേ പറ്റൂ, നിങ്ങള്ക്ക് അത്രയും ഭംഗിയാണ്, ഞങ്ങള്ക്ക് നിങ്ങളോട് പ്രണയമാണ്,’ നെറ്റ്ഫ്ളിക്സ് ഒഫീഷ്യല് ഇന്സ്റ്റഗ്രാം ഹാന്ഡില് പങ്കുവെച്ചു.
തമിഴ് ഭാഷയിലാണ് നെറ്റ്ഫ്ളിക്സ് ഇത് പങ്കുവെച്ചിരിക്കുന്നത്. വാരണം ആയിരം എന്ന സിനിമയില് സിമ്രാന് അവതരിപ്പിച്ച മാലിനി എന്ന കഥാപാത്രത്തോട് സൂര്യയുടെ കൃഷ്ണന് എന്ന കഥാപാത്രം പറയുന്ന ഡയലോഗ് ആണ് സൂര്യയോടായി പറഞ്ഞുകൊണ്ട് നെറ്റ്ഫ്ളിക്സ് പങ്കുവെച്ചിരിക്കുന്നത്.
സൂര്യയുടെ അഞ്ചാന് എന്ന സിനിമയിലെ ചിത്രമാണ് നെറ്റ്ഫ്ളിക്സ് പങ്കുവെച്ചിരിക്കുന്നത്. പോസ്റ്റിന് താഴെ നിരവധി ആരാധകരാണ് സൂര്യയോടുള്ള ഇഷ്ടം പങ്കുവെച്ചുകൊണ്ട് കമന്റ് ചെയ്തിരിക്കുന്നത്.